आज प्रधानमन्त्री ओलीले संसदमा सम्बोधन गर्दै

काठमाडौं : प्रधानमन्त्री केपी शर्मा ओलीले आज प्रतिनिधिसभा बैठकलाई सम्बोधन गर्दैछन् । दिउँसो साढे दुई बजे बस्ने संसद भवन वानेश्वरमा बस्ने प्रतिनिधी सभाको बैठकलाई उनले सम्बोधन गर्ने भएका हुन् ।

प्रधानमन्त्री ओलीले समसामयिक विषय तथा सरकारको कामकारबाहीप्रति सांसदहरुले उठाएका जिज्ञासाको जवाफ दिने उनको सचिवालयले जानकारी दिएको छ । उनले सिंगापुरमा भएको आफ्नो उपचारको बारेमा पनि सदनलाई जानकारी बताइएको छ ।

यसैबीच संघीय संसद्को चालू अधिवेशन आज अन्त्य हुँदैछ । आजको संसद बैठकमा सभामुख कृष्णबहादुर महराले राष्ट्रपति विद्यादेवी भण्डारीवाट प्राप्त पत्र पढेर सुनाउने कार्यसूचि छ । संसदको चालु अधिवेशन बैशाख सो¥ह गतेवाट शुरु भएको थियो ।

अधिवेशनमा सरकारको नीति तथा कार्यक्रम प्रस्तुत, बजेट पारित तथा केही महत्वपूर्ण विधेयक पारित भएका छन । तर नागरिकता लगायतका केही महत्वपुर्ण विधेयक भने यो अधिवेशनमा पनि पारित हुन सकेनन् ।

Leave a Reply

Your email address will not be published. Required fields are marked *