चिनियाँ राष्ट्रपति नेपाल भ्रमणमा आउने पक्का

काठमाडौं : चिनियाँ राष्ट्रपति सी निजपिङ दशैं लगतै नेपाल भ्रमणमा आउने पक्का भएको छ । सी भारत चीन अनौपचारिक सम्मेलनका लागि ११ अक्टोबरमा भारत जानेछन् । सम्भवत यो सम्मेलन तमिलनाडूमा हुनेछ । गत वर्ष मोदी चीन गएका थिए ।

मोदीसँगको अनौपचारिक सम्मेलनपछि सी नेपाल आउने   स्रोतका अनुसार १४ अक्टोेबर अर्थात २७ असोजमा आउनेछन् र, भोलिपल्ट फर्किनेछन् ।

सीको भ्रमणको पूर्वसध्यामा चिनियाँ कम्युनिस्ट पार्टीको विदेश विभागको टोली नेपाल आउँदैछ । टोलीले सत्तारुढ नेपाल कम्युनिस्ट पार्टी -नेकपा)का नेताहरुसँग छलफल गर्नेछ ।

एक अधिकारीका अनुसार चिनियाँ पक्षले अहिले पनि राष्ट्रपतिको सुरक्षालाई बढी चासो दिएको छ ।  सरकारले भने सीको भ्रमणका क्रममा गर्न सकिने सम्झौताहरुका लागि गृहकार्य थालेको छ । उनी भारत हुँदै नेपाल आउने छन् र बेइजिङ र्फकनेछन् ।

Leave a Reply

Your email address will not be published. Required fields are marked *