कोसेली महोत्वस शुरु

विराटनगर । विराटनगरमा कोसेली महोत्वस शुरु भएको छ । उद्योग संगठन मोरङ, महिला उद्यम समिती र नेपाल युवा उद्यमी मञ्चले संयुक्त रुपमा कोसेल ी महोत्सवको आयोजना गरेका हो । नयाँ उत्पादन वारे जानकारी, उत्पादक र उपभोक्ता विच सम्वन्ध विस्तार, कृषि, औद्योगिक तथा पर्यटन क्षेत्रको विकास, अर्गानीक वस्तुको उत्पादन र उपभोगमा जोड दिँदै महिला तथा युवाहरुमा उद्यमशिलता विकासमा सघाउ पुग्नेगरी मेलाको आयोजना गरिएको महिला उद्यम समितिले जनाएको छ ।

महोत्सव असोज १४ गतेसम्म बिराटनगरको जैनलाग्ने छ । महोत्सवले घरेलु तथा कुटिर उद्योगहरुद्धारा उत्पादित वस्तुको व्यापार प्रबद्र्धन, महिलाद्धारा संचालित उद्योगबाट उत्पादित वस्तुको वजार पहुँच पुर्याउन सहयोग गर्ने जनाईएको छ ।

खानाको विभिन्न परिकार तथा सांस्कृतिक कार्यक्रम सहितको महोत्सवमा औद्योगिक उत्पादनहरु, हस्तकलाका सामाग्रिहरु, सिलाई कटाईका वस्त्रहरु, जुता चप्पल, ढाका तथा उनीका न्यानो कपडाहरु, श्रृगारका साधन, सूचना प्रविधि सहित घरायसी सामाग्रीहरु, विभिन्न किसिमका खानाका परिकारहरु रहने आयोजक समितिका सांयोजक तथा नेपाल युवा उद्यमी मञ्चका अध्यक्ष मनोज विक्रम शाहले बताए ।

Leave a Reply

Your email address will not be published. Required fields are marked *