खुल्ला सिमानाका कारण शान्ति सुरक्षा कायम गर्न चुनौति

जनकपुर–मुख्यमन्त्री लालबाबु राउतले भारतसँगको खुल्ला सिमानाका कारण शान्ति सुरक्षा कायम गर्न चुनौति रहेको बताएका छन् ।

संघीयता कार्यान्वयनसँगै संघ, प्रदेश र स्थानीय तहको समन्वय र सहकार्यमा सुरक्षासंयन्त्र परिचालन गरिए अपराधिक घटना न्यूनीकरण गर्न सकिने उनको भनाइ छ ।

शुक्रबारदेखि जनकपुरमा आयोजित प्रदेश स्तरीय सुरक्षा गोष्ठीलाई सम्बोधन शनिबार गर्दै मुख्यमन्त्री राउतले प्रदेश नम्बर २ सबै जिल्ला भारतसँग जोडिएर रहेको र  सिमाक्षेत्र खुल्ला हुँदा शान्ति सुरक्षा कायम गर्न चुनौती रहेको धारणा राखे ।

शान्ति सुरक्षा नै पहिलो सरकारको  दायित्व रहेको भन्दै सयका लागि आ–आफ्नो ठाउँबाट सबै पक्ष लाग्नुपर्नेमा उनले जोड दिए ।

आपराधिक घटनालाई न्यूनीकरण गर्ने उद्देश्यकासाथ दुई दिने प्रदेशस्तरीय सुरक्षा गोष्ठी आयोजन गरिएको धनुषाका प्रमुख जिल्ला अधिकारी प्रदीपराज कणेलले जानकारी दिए ।

गोष्ठीमा नेपाल प्रहरीका महानिरीक्षक सर्वेन्द्र खनाल,सशस्त्र प्रहरी महानिरीक्षक शैलेन्द्र खनाल, राष्ट्रिय अनुसन्धान विभागका प्रमुख गणेश अधिकारी, नेपाली सेनाका पृतनापति नरेशचन्द भट्ट तथा गृहमन्त्रीका सुरक्षा सल्लाहकार ईन्द्रजीत राईलगायतको सहभागी छन् ।

Leave a Reply

Your email address will not be published. Required fields are marked *