बम बिष्फोटको करिब ३ सातापछि घटनाको योजनाकार पक्राउ

जनकपुर
धनुषाको महेन्द्रनगरमा बम बिष्फोटको करिब ३ सातापछि घटनाको योजनाकारको आरोपमा विप्लव नेतृत्वका एक जना नेता पक्राउ परेका छन् ।

धनुषाको क्षिरेश्वरनाथ नगरपालिका स्थित सखुवा महेन्द्रनगर बजारमा रहेको एक घरको मूलढोकामा टाइम बम झुण्ड्याइएको थियो । सो बम विष्फोटनमा परी प्रहरी निरीक्षक अमिरकुमार दाहालसहित ३ जनाको मृत्यु भएको थियो ।

घटनापछि मुख्य योजनाकार मानिएका नेकपाका नेता आदम राइनलाई प्रहरीले उनलाई मोस्ट वान्टेडको सूचीमा राखेको थियो ।

महेन्द्रनगरमा सो बम विष्फोटनका घटना भए लगत्तै फरार रहेका आदम राइनलाई धनुषा प्रहरीले घटना घटेको करिब २२ दिनपछि पक्राउ गर्न सफल भएको छ ।

अभियुक्त राइन विप्लव नेतृत्व नेकपाको केन्द्रीय सदस्यसमेत रहेको प्रहरीले बताए ।

राइनलाई पक्राउ गरी थप अनुसन्धानका लागि जिल्ला प्रहरी कार्यालय धनुषामा राखिएको स्रोतले जनाएको छ । गत मङ्सिर २७ गते राति टाइम बम प्रयोग गरी घटना घटाउने मुख्य योजनाकारसहित ९ जनाको पहिचान भइसकेको प्रदेश नम्बर २ का प्रहरी प्रमुख प्रद्मकुमार कार्कीले बताएका छन् । तर अभियुक्त आदम पक्राउ बारे केहि बोलेन चाहेनन् ।

राइन पक्राउ परेको धनुषा प्रहरीले आधिकारिक जानकारी नदिए पनि स्रोत अनुसार अभियुक्त आदमलाई पक्राउ गर्न सफल भएको स्रोतको दाबी छ । प्राप्त जानकारी अनुसार आदमलाई प्रहरीले पुस १६ गते नै राति पक्राउ गरेको बुझिएको छ ।

बम विष्फोटमा परेर घरमुलि राजेश साह र आनन्द साह र प्रहरी निरीक्षक दाहाल समेतको ज्यान गएको थियो भने २ जना घाइतेको उपचार भएका थिए ।

Leave a Reply

Your email address will not be published. Required fields are marked *