पोखराको काहुँखोलामा ठूलो परिमाणमा लागुऔषध सहित दुई जना पक्राउ परेका छन् ।

पक्राउ हुनेमा पोखरा-१३ पाटनवेशीका २१ वर्षीय अनुप तामाङ र पोखरा-३० शिसुवाका १९ वर्षीय विशाल परियार रहेका प्रहरीले जनाएको छ ।

चेकजाँच गर्ने क्रममा मोटरसाइकलमा भाग्न खोजे पछि प्रहरीले नियन्त्रणमा लिएर खानतलासी लिँदा लागुऔषध फेला परेको प्रहरीले बताएको छ ।

पक्राउ परेका दुवै जनालाई थप अनुसन्धान तथा कारवाही प्रक्रियाका लागि जिल्ला प्रहरी कार्यालय कास्की पठाइएको पनि प्रहरीले जनाएको छ ।