सामान्य अङ्कले घटेको नेप्सेमा आज

धितोपत्र बजारमा शेयर कारोवार मापक नेप्से परिसूचक आज सामान्य अङ्कले बढेको छ । साताको तीन दिन बजार बढे पनि बुधबार भने सामान्य अङ्कले घटेको नेप्सेमा आज भने झिनो अङ्कको सुधार देखिएको हो । नेपाल स्टक एक्सचेञ्जका अनुसार आज नेप्से ३।५१ ले वृद्धि भई एक हजार २१३।११ मा पुगेको हो । यस्तै सेन्सेटिभ परिसूचक ०।९५ ले वृद्धि भई २६४।२६ मा पुगेको छ । नेप्सेमा जस्तै सुधार कारोवार रकममा पनि देखिएको छ । कूल १७७ कम्पनीको ३८ लाख ४९ हजार ७२२ कित्ता शेयर ८३ करोड ७० लाख ३५ हजार ७५७ मूल्यमा खरीद बिक्री भए ।

नेप्सेका अनुसार कारोवार भएका कूल १२ उपसमूहमध्ये आज पाँच उपसमूहको शेयर उकालो लाग्दा सात उपसमूहको शेयर भने ओरालो लागे । बैंकिङ १।४२, होटल ६।३९, जलविद्युत् १।०५, वित्त ०।३४, उत्पादन १०।५१, अन्य २।५६ र सामूहिक लगानी कोष ०।०७ ले घट्दा व्यापार ४।२५, विकास बैंक ६।७९, निर्जीवन बीमा ९५।४१, लघुवित्त ६३ र जीवन बीमा १९।१२ ले बढेको छ ।

Leave a Reply

Your email address will not be published. Required fields are marked *