सडक निर्माणका लागि राखिएका ३ वटा एस्काभेटरमा विष्फोट

मोरङको मिक्लाजुङ गाउँपालिका स्थित रमितेमा भर्खरै बम बिष्फोट भएको छ।

निर्माणाधीन मिक्लाजुङ आइतबारे सडक निर्माणका लागि राखिएका ३ वटा एस्काभेटरमा विष्फोट गराइएको स्थानीयले बताएका छन्।

१ नम्बर प्रदेश सरकारको ५८ करोड ५६ लाखको बजेट बाट ठेक्का स्वीकृत भै सडक कालोपत्रे गर्नका लागि सडक चौडा गर्दै सुके आहालको साकेला मेला लाग्ने ठाउँ मा पुगेको ३ थान एस्काभेटर आगो लगाएर र बम हानेर ध्वस्त बनाइएको छ।

विष्फोट कसले र किन गराए भन्ने खुल्न सकेको छैन। यद्यपि प्रतिबन्धित नेकपा विप्लवले विष्फोट गराएको आशंका गरिएको छ।

विष्फोटबाट भएको क्षतिको विस्तृत विवरण आइसकेको छैन। मधुमल्लामा रहेको इलाका प्रहरी कार्यलयले भरखरै घटनाबारे जानकारी लिएको बुझिएको छ।

उत्तरी मोरङ २०५२ पछि पनि तत्कालीन माओवादीको शैन्य तालिम हुने क्षेत्रका रुपमा चिनिन्छ । घटनाको जिम्मेवारी कसैले लिएको छैन।

यसैगरी,दमक सेतुमारी जोड्ने सडकमा पुल निर्माणका लागि प्रयोग भइरहेको स्काभेटरमा पनि आगलागी भएको छ।

दमक १० स्थित सेतुमारीमा निर्माणाधीन पुलमा प्रयोग भइरहेको स्काभेटरमा राति १ बजेतिर सुतिरहेका चौकीदारलाई नियन्त्रणमा लिएर अज्ञात समूहले आगलागी गरेका हुन्।

१४/१५ जनाको समूहमा आएका युवा समूहले आगो लगाएर भागेको चौकीदारलाई उद्धृत गर्दै दमक प्रहरीले जनाएको छ। दमक प्रहरीका अनुसार सर्मा एण्ड अनक जेभीको स्काभेटरमा आगजनी भएको हो।

घटनाका बारेमा प्रहरीले अनुसन्धान थालको इलाका प्रहरी कार्यालय दमकका प्रहरी नायब उपरीक्षक विजयराज पण्डितले बताए।

Leave a Reply

Your email address will not be published. Required fields are marked *