उखुबारीमा भेटिएको महिलाको शवको पहिचान

विराटनगर महानगरपालिका– १२ मा बखरी मलहनवास्थित उखुबारीमा भेटिएको महिलाको शवको पहिचान खुलेको छ ।

मोरङ प्रहरी प्रवक्ता प्रहरी नायव उपरीक्षक मानबहादुर राईका अनुसार शुक्रबार बिहान भेटिएको शव सुनसरीको दुहबी नगरपालिका–६ कालि मन्दिरकी ३२ वर्षीया सम्झना खत्री परियारको भएको खुलेको हो ।

शुक्रबार बिहान उखुबारीमा घाँटी रेटेर सलले बेरेको अवस्थामा शव भेटिएको थियो ।

अनुसन्धानका क्रममा उनका श्रीमान् बसन्त परिवारले शवको पहचिान गरेका हुन् ।

शवको पहिचान खुलेपछि अनुसन्धान सुरु गरेको प्रहरी नायव उपरीक्षक राईले बताए ।

निलो टल्किने आउटर, हरियो धर्के कुर्ता सुरुवाल लगाएकी महिलाको घाँटी रेटेर सलले बेरेको अवस्थामा शव भेटिएको थियो ।

शवनजिकै सुरुवाल पनि भेटिएको थियो ।

घटनाको प्रकृति हेर्दा अन्तै हत्या गरी उखुबारीमा शव फालिएको देखिएको जिल्ला प्रहरी कार्यालय मोरङका प्रहरी उपरीक्षक विश्व अधिकारीले जानकारी दिए ।

Leave a Reply

Your email address will not be published. Required fields are marked *