पोखराको ‘नाइट डान्स पार्टी’बाट चरेशसहित ६ विदेशी र सञ्चालक पक्राउ

बिराटनगर /फेवातालको मुहानतर्फ पामे माथिको गाउँमा मंगलबार हल्लाखल्ला भयो। गाउँमा रहेको रेष्टुरेण्टमा ठूलो आवाजमा संगीत बज्यो, मानिसहरू होहल्ला गरिरहेका थिए। गाउँलेलाई असह्य भयो।

गाउँलेले प्रहरीलाई जानकारी गराए।कास्की प्रहरीको टोली राति २ बजे घटनास्थल पोखरा २३ चापाकोट पुग्यो। त्यतिबेला पनि केही विदेशी र नेपालीहरू संगीतमा झुमिरहेका थिए। २० देखि २५ जनाको समूहमा रहेका उनीहरूलाई प्रहरी टोलीले नियन्त्रणमा लिएर छापा मार्‍यो।

‘राति २ बजे पनि उनीहरू नाचिरहेका रहेछन्, सर्च गर्दा चरेश फेला पर्‍यो’, कास्की प्रहरी प्रमुख एसपी दानबहादुर कार्कीले भने, ‘त्यसपछि हामीले उनीहरूलाई नियन्त्रणमा लिएर अनुसन्धान अघि बढाएका छौं।’

पोखरा सहरको कोलाहलभन्दा टाढा गाउँको सामान्य रेष्टुरेण्टमा भएको यो कार्यक्रम ‘लागु औषध, मदिरा र संगीत’को ‘ट्रान्स पार्टी’ भने नभएको एसपी कार्कीले बताए।‘यो डान्स पार्टी रहेछ, ट्रान्स पार्टी होइन’, उनले भने, ‘चरेस भेटिएकाले ६ जना विदेशी र १ जना नेपाली रेष्टुरेण्ट सञ्चालकलाई पक्राउ गरेका हौं।’एसपी कार्कीले त्यहाँ रहेका अन्यलाई भने पक्राउ गर्न आवश्यक नदेखिएको बताए।

Leave a Reply

Your email address will not be published. Required fields are marked *