नेपाल चलचित्र कलाकार संघले १ लाख रुपैयाँ सहयोग गर्ने

काठमाडौं – नेपाल चलचित्र कलाकार संघले कोरोना भाइरसको संक्रमण रोक्न भन्दै सरकारले खडा गरिएको कोषमा १ लाख रुपैयाँ सहयोग गर्ने भएको छ । कोरोना भाइरस संक्रमणको महामारी रोक्न सरकारले चालेको कदममा सघाउँदै संघले सहयोग गरेको जनाएको छ । संघका उपाध्यक्ष तथा प्रवक्ता मोहन निरौलाले एक विज्ञप्ति जारी गर्दै सहयोग गर्ने जानकारी दिए । विज्ञप्तिमा भनिएको छ, ‘नेपाल चलचित्र कलाकार संघका अध्यक्ष श्री रबिन्द्र खडकाज्यूको निर्देशनमा कार्यसमितिका पदाधिकारी तथा सदस्यज्यूहरूको सहमतिमा सरकारले स्थापना गरेको राहत कोषलाई रू १०१००० (एकलाख एक हजार) प्रदान गर्ने निर्णय भएको छ ।

संघले देशमा साधन स्रोत र क्षमताले भ्याएसम्म सरकार नागरिकको सुरक्षा र बचाउनका लागि प्रयत्नशील भएको भन्दै सरकारको प्रशंसा गरेको छ । विज्ञप्तिमा भनिएको छ, ‘लक डाउनको अवधीमा ज्याला मजदुरी गरेर जीवन निर्वाह गर्ने दाजु भाई दिदीबहिनीहरू का साथै श्रमिक चलचित्रकर्मीहरू पनि समस्यामा पर्न आएको थाहा हुन आएकाले यस सम्बन्धमा सम्बन्धित निकायको ध्यान आकर्षण गराउन चाहन्छौं ।’

Leave a Reply

Your email address will not be published. Required fields are marked *