बल्ल खुल्यो अवरुद्ध त्रिभुवन अन्तर्राष्ट्रिय विमानस्थलको अवतरण

काठमाडौँ-
लगातारको वर्षाका कारण मौसम प्रतिकूल भएपछि डेढघण्टादेखि अवरुद्ध त्रिभुवन अन्तर्राष्ट्रिय विमानस्थलको अवतरण खुल्ला गरिएको छ।

‘भिजिविलिटी’ नै नपुग्ने अवस्था आएपछि विमानस्थलले आन्तरिक तथा अन्तर्राष्ट्रिय उडानका सबै जहाजको अवतरण बन्द गराएको थियो। विमानस्थलबाट हुने दुबैतर्फका उडान भने रोकिएको थिएन।

डेढघण्टापछि अवरुद्ध अवतरण शुरु गरिएको विमानस्थलका प्रवक्ता प्रतावबाबु तिवारीले जानकारी दिएका छन। अवतरण बन्द हुँदा भारतको नयाँ दिल्लीबाट आएका नेपाल एयरलाइन्स र इण्डिगोका विमान आकाशमै फन्को लगाउँदै ‘होल्ड’ भएका थिए।

कतिपय आन्तरिक उडानका जहाज पनि ‘होल्ड’मै थिए। उक्त विमानस्थलबाट दैनिक ७० भन्दा बढी अन्तर्राष्ट्रिय र करीब तीन सय आन्तरिक उडान–अवतरण हुँदै आएको छ।

Leave a Reply

Your email address will not be published. Required fields are marked *